“IFA 2018”də büküləbilən ekran texnologiyası təqdim olunub

Berlində keçirilən “IFA 2018” beynəlxalq istehlak elektronikası sərgisində Çinin “Royole” şirkəti büküləbilən ekran texnologiyasını təqdim edib.

NUHÇIXAN xarici KİV-lərə istinadla xəbər verir ki, bükülən ekranlar yalnız ağıllı telefonlarda qarşımıza çıxmayacaq. Ancaq yaxın zamanlarda bu cür ekranlara ən çox son model “ağıllı” telefonlarda rast gəlinəcək. Hətta həmin telefonları bilərzik kimi qola taxıb istifadə də etmək mümkün olacaq.

Qeyd edək ki, sərgi sentyabrın 5-dək davam edəcək.