Dünyanın ən populyar smartfonu hansıdır?

Həmin telefon 2018-ci ilin birinci rübünün yekunları üzrə ən çox satılan smartfon olub. Bu barədə “Strategy Analytics” şirkətinin qeyd olunan müddət üçün tədqiqat hesabatında deyilir.

NUHÇIXAN “Life” resursuna istinadən xəbər verir ki, analitik şirkətin məlumatına görə, cari ilin yanvar-martında dünyada satılan smartfonların sayı 345 milyon təşkil edib. “Apple” şirkəti 16 milyon “iPhone X” modeli satıb ki, bu da ümumi satış sayının 4,6 faizinə bərabər olmaqla ən yüksək göstərici hesab edilir.

Bildirilir ki, ikinci və üçüncü yerləri “iPhone 8” və “8 Plus” smartfonları tutub. Hesabat dövründə 12,5 milyon “iPhone 8” və 8,3 milyon “iPhone 8 Plus” satılıb. Dördüncü pillədə satışı 5,6 milyon ədədə bərabər “iPhone 7” modeli qərarlaşıb.

“Android” əməliyyat sisteminin idarəetməsi ilə işləyən smartfonlar beşinci və altıncı yerlə kifayətlənib. Analitiklərin məlumatına görə, ən populyar “Android” qurğuları “Xiaomi Redmi 5A” və “Samsung Galaxy S9 Plus” olub.

Həmçinin məlum olub ki, “iPhone 8” və “8 Plus” modelləri martda “Apple” şirkətinin ən populyar modelləri seçilib. Bu, analitiklər tərəfindən qırmızı rəngli qurğuların buraxılışı ilə izah edilib.

Bundan əvvəl bir sıra nüfuzlu mənbə və jurnalistlər “iPhone X” smartfonunun “Apple” şirkətinə ciddi ziyan vuracağını proqnozlaşdırıb. Analitiklər qurğunu incəliyi, ön kamera üçün kiçik açıq yerin olması və 2017-ci ilin birinci rübündə zəif satış göstəricilərinə görə tənqid ediblər. “Apple” şirkətinin həmtəsisçisi Stiv Voznyak isə qurğunun mürəkkəb idarəetməyə malik olmasından narazılığını ifadə edib.