Dünyada ən güclü “Android” sistemli smartfonlar məlum olub
Smartfonların məhsuldarlığını yoxlayan Çinin “AnTuTu” şirkəti cari ilin iyulunda yoxlanılmış və ən yüksək bal toplamış qabaqcıl “ağıllı” qurğuların reytinqini tərtib edib.
NUHÇIXAN “hi-tech” saytına istinadən yazır ki, 292977 bal toplamış “Xiaomi Black Shark” smartfonu reytinqdə ilk yeri tutub. Oyun smartfonu “Snapdragon 845” prosessoru, 8 QB-lıq əməli yaddaş, 256 QB-lıq daxili yaddaş və daxili maye soyutma sistemi ilə təchiz edilib.
“OPPO Find X” smartfonu ən məhsuldar “Android” sistemli smartfonların reytinqində 2-ci yerdə qərarlaşıb. Bu qurğunun orta məhsuldarlıq göstəricisi 286589 bal olub. Model “Snapdragon 845” prosessoru, 8 QB-lıq əməli yaddaş və 256 QB-lıq daxili yaddaşla təchiz edilib.
Sözügedən reytinqdə 283877 bal toplamış “VIVO NEX Ultimate” smartfonu 3-cü yeri tutub. 282644 bal göstəricisinə malik “OnePlus 6” smartfonu isə 4-cü olub.
Mətndə səhv varsa, onu qeyd edib Ctrl+Enter düyməsini basaraq bizə göndərin.