Sinoptiklərdən xəbərdarlıq: Cənub-qərb küləyi əsəcək, arabir güclənəcək

Sinoptiklər ölkə ərazisində gözlənilən küləkli və əlverişsiz hava şəraiti ilə bağlı xəbərdarlıq ediblər.

Ekologiya və Təbii Sərvətlər Nazirliyinin Milli Hidrometeorologiya Departamentindən NUHÇIXAN-a bildiriblər ki, Bakıda və Abşeron yarımadasında, o cümlədən bəzi rayonlarda noyabrın 27-si gündüzdən 29-u gündüzədək cənub-qərb küləyinin əsəcəyi, arabir güclənəcəyi proqnozlaşdırılır.

Tibbi-meteoroloji proqnoza görə, Abşeron yarımadasında noyabrın 27-si gündüzdən 29-u gündüzədək gilavar küləyinin arabir güclənməsi meteohəssas insanlar üçün əlverişsiz olacaq.