Şahbuz şəhərində yeni aviakassa binası tikilir

NUHÇIXAN xəbər verir ki,  Şahbuz şəhər Heydər Əliyev prospektində inşa olunan aviakassa üçün bina 2 mərtəbədən ibarət olacaq. Binanın birinci mərtəbəsində gözləmə zalı,  bilet satış kassaları, təhlükəsizlik  və  texniki otaqlar, eyni zamanda  məlumat köşkü yaradılacaq .

İkinci mərtəbədə isə aviakassa işçiləri üçün müasir xidmət otaqları və mətbəx  inşa olunacaq. Hazırda binanın təməlində beton-qəlib işləri görülür.

 Bina istifadəyə verildikdən sonra aviakassada rayon sakinlərinə Naxçıvan-Bakı və digər istiqamətlərlə yanaşı, həm də Bakı şəhərindən başqa ölkələrə getmək üçün də bilet satışı həyata keçiriləcək.

                         Novruz Məmmədov