Rusiya alimləri meteoritin tərkibində brilyantdan daha sərt mineral aşkar ediblər
Rusiya alimləri Sibirə düşən meteoritin tərkibində brilyantdan daha sərt mineralın kəşf edildiyini bildiriblər.
NUHÇIXAN “Anadolu” agentliyinə istinadla xəbər verir ki, Rusiya Elmlər Akademiyası Sibir Bölməsinin Geologiya İnstitutu, Ural və Novosibirsk universitetlərində görkəmli alimlərin araşdırdığı meteoritin tərkibində “uakitite” adı verilən və brilyantdan daha sərt mineral aşkarlanıb.
Hazırda sirli mineral haqqında daha çox məlumat əldə etmək üçün laboratoriya işləri aparılır. Alimlər mineralın görünüşünü “metal parıltıya malik sarı və şəffaf” olaraq xarakterizə ediblər.
Mineralın kub kristallar və ya dairəvi dənəciklər əmələ gətirdiyi, dənəciklərin 5 mikrometrdən daha kiçik olduğu qeyd edilib.
Mətndə səhv varsa, onu qeyd edib Ctrl+Enter düyməsini basaraq bizə göndərin.