Məktəblilər arasında voleybol yarışı keçirilib
Naxçıvan Muxtar Respublikası Gənclər və İdman Nazirliyinin mətbuat ximətindən NUHÇIXAN-a verilən məlumata görə, Vəli Zeynalov adına 3 №-li tam orta məktəbin idman zalında Naxçıvan şəhər tam orta məktəblərinin qız komandaları arasında voleybol birinciliyi keçirilib. Yarış “31 Dekabr-Dünya Azərbaycanlılarının Həmrəylik Günü” münasibətilə təşkil olunub.
Naxçıvan Şəhər Gənclər və İdman İdarəsi və Naxçıvan Şəhər Təhsil Şöbəsinin birgə təşkilatçılığı ilə keçirilən yarışda 17 komanda iştirak edib. Beynəlxalq Voleybol Federasiyasının mövcud qaydalarına əsasən, keçirilən birinciliyin yekun nəticəsində 10 №-li tam orta məktəbin komandası birinci, 3 №-li tam orta məktəbin komandası ikinci, 15 №-li və 2 №-li tam orta məktəblərin komandaları isə üçüncü yerlərə layiq görülüblər. Sonda yer tutan komandalar təşkilatçıların diplomları ilə mükafatlandırılıblar.