Kolleclərə qəbul üzrə keçirilən müsabiqənin nəticələri açıqlanıb
Dövlət İmtahan Mərkəzi (DİM) ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilmiş müsabiqənin nəticələrini avqustun 8-də saat 17.10-dan etibarən internet səhifəsində yerləşdirib.
DİM-dən NUHÇIXAN-a bildiriblər ki, abituriyentlər imtahanın nəticələri haqqında məlumatı, həmçinin mobil operatorlar (Azercell, Bakcell, Nar) vasitəsilə “iş nömrəsi”ni 7727 nömrəsinə göndərməklə də öyrənə bilərlər.
Müsabiqənin nəticələri haqqında statistik məlumatlar aşağıdakı cədvəldə təqdim olunur:
| Təhsil forması | Qəbul planı | Qəbul olunub | Qəbulolma faizi | ||
| Azərbaycan bölməsi | Rus
bölməsi |
Bölmələr üzrə cəmi | |||
| Dövlət (ödənişsiz) | 4176 | 4000 | 113 | 4113 | 98,49 |
| Dövlət (ödənişli) | 4964 | 4481 | 89 | 4570 | 92,06 |
| Özəl | 755 | 720 | 9 | 729 | 96,56 |
| Cəmi | 9895 | 9201 | 211 | 9412 | 95,12 |
Ümumi (9 illik) orta təhsil bazasında orta ixtisas təhsili müəssisələrinə qəbul olunanlar avqustun 9-dan 24-dək sənədlərini təqdim etməklə qeydiyyatdan keçməlidirlər. Abituriyentlər tələb edilən sənədlər barədə qəbul olduqları təhsil müəssisəsindən məlumat ala bilərlər. Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olunanlar siyahısından xaric ediləcək.
Mətndə səhv varsa, onu qeyd edib Ctrl+Enter düyməsini basaraq bizə göndərin.