Əli Həsənov: “Mən çox istərdim ki, hər bir azərbaycanlı milli mənsubiyyətini itirən “məşhur ssenarist”ə münasibət bildirsin”

Tanınmış kinorejissor Ayaz Salayev nəinki milli mənsubiyyətini, hətta insani keyfiyyətlərini də itirən, Azərbaycan xalqını daim aşağılamağa çalışan Rüstəm İbrahimbəyovun ssenari müəllifi olduğu “Qafqaz üçlüyü” haqqında “Bakinski Raboçi” qəzetində geniş tənqidi məqalə ilə çıxış edib.

NUHÇIXAN xəbər verir ki, Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov Facebook səhifəsində məqalə ilə bağlı aşağıdakı fikirlərini yazıb: “Mən çox istərdim ki, hər bir azərbaycanlı bu yazı ilə tanış olsun və təkcə milli hisslərini, milli mənsubiyyətini, milli dəyərlərini deyil, həm də adi insani keyfiyyətlərini itirərək haqqı, ədaləti və reallığı danan bu “məşhur ssenarist”ə münasibət bildirsin”.

Əli Həsənov film haqqında yazdığı məqalədə əsl vətəndaşlıq mövqeyi nümayiş etdirdiyinə görə kinorejissor Ayaz Salayevə dərin təşəkkürünü bildirib.