Voleybol üzrə qadınlardan ibarət Azərbaycan yığması beynəlxalq turnirdə Rusiya komandası ilə qarşılaşıb

Antalyada voleybol üzrə “Gloria Cup” beynəlxalq turniri keçirilir.

NUHÇIXAN xəbər verir ki, Azərbaycanın qadınlardan ibarət voleybol yığması üçüncü matçında Rusiya millisi ilə qarşılaşıb.

Görüş 3:0 (25:21, 25:20, 25:18) hesabı ilə rəqib komandanın qələbəsi ilə yekunlaşıb.

Xatırladaq ki, birinci oyunda yığmamız Türkiyə komandasına 3:0 hesabı ilə uduzub. İkinci matçda isə İtaliya millisinə 3:0 hesabı ilə qalib gəlib.