Türkiyənin “Fənərbaxça” klubunun yeni prezidenti seçilib

Bu gün Türkiyənin “Fənərbaxça” klubunda prezident seçkiləri keçirilib.

NUHÇIXAN Türkiyə mətbuatına istinadla bildirir ki, seçkilərdə iki namizəd – hazırki prezident Aziz Yıldırım ilə Ali Koç mübarizə aparıb.

Səsvermənin nəticəsinə görə, Ali Koç 16 min 092 səs toplayaraq qalib gəlib.

Beləliklə, o, “Fənərbaxça” klubunun sayca 37-ci prezidenti olub.

Qeyd edək ki, Aziz Yıldırım 1998-ci ildən bəri idi ki, “Fənərbaxça”ya rəhbərlik edirdi.