Türk Şurası Gənc Liderlərinin Naxçıvan Forumu keçiriləcək

Noyabrın 26-27-də Naxçıvan şəhərində Türk Şurası Gənc Liderlərinin Naxçıvan Forumu keçiriləcək.

NUHÇIXAN xəbər verir ki, Forumun rəsmi açılış mərasimi noyabrın 26-da Naxçıvan Dövlət Musiqili Dram Teatrında olacaq. Rəsmi açılış tədbiri  rəngarəng konsert proqramı ilə davam edəcək.

Forum çərçivəsində gənclər arasında idman yarışları da keçiriləcək.  Naxçıvanın tarixi-mədəni abidələri, turizm obyektlərinə  ekskursiyalar təşkil ediləcək.

Türk Şurası Gənc Liderlərinin Naxçıvan Forumu çərçivəsində gələcək planlar və birgə fəaliyyət istiqamətlərinin müəyyən edilməsi ilə bağlı platformanın fəaliyyət planı hazırlanacaq.