Təzyiqi salmaq üçün xoşagələn üsul

Yunanıstanda keçirilmiş elmi araşdırma nəticəsində məlum olub ki, günorta yuxusu hipertoniyadan əziyyət çəkən insanlarda təzyiqi aşağı salmağa kömək edir.

NUHÇIXAN xarici KİV-lərə istinadla xəbər verir ki, araşdırmada 386 yüksək təzyiqdən əziyyət çəkən insan iştirak edib. Məlum olub ki, günorta vaxtı yatan insanlarda arterial təzyiq 5% aşağı düşür. Alimlər qeyd edir ki, yüksək təzyiqin hətta 2 mm.c.st düşməsi ürək-damar sistemi xəstəliklərinin riskini və bu xəstəliklərdən ölüm hallarını 10% azaldır.

Alimlərin müşahidələrinə görə, yüksək təzyiqdən əziyyət çəkən insanlarda günorta yuxusu qəbul etdiyi dərmanların miqdarını azaltmağa kömək edir.