Saç tökülməsinin qarşısını belə alın

Gözəl və qalın saçlar qadınların fəxridir.

Saç tökülməyə başlayanda bu nəinki qadınları hətta, kişiləri də narahat etməyə başlayır.

NUHÇIXAN saç tökülməsinin qarşısını almağın bəzi yollarını təqdim edir:

1. İlk növbədə qidaya fikir vermək lazımdır. Qida tamdəyərli, zülallar, vitamin və minerallarla zəngin olmalıdır.

2. Həkimlə məsləhətləşdikdən sonra dəri, saç və dırnaqlar üçün xüsusi vitamin-mineral kompleksini qəbul edə bilərsiniz.

3. Ayıpəncəsi yağından 2-3 xörək qaşığı götürüb A, B12, C və E vitaminlərini (hərəsindən 1 ampul) əlavə edin. Alınmış qarışığı azca su hamamında qızdırın. Yağı saçların diblərinə çəkdikdən sonra başınıza əvvəlcə sellofan keçirdin, sonra isə dəsmal ilə bağlayın (baş isti qalmalıdır). Saat yarımdan sonra saçlarınızı yuyun.

Proseduranı həftədə 2 dəfə təkrar edin.