“Real Madrid” ukraynalı qapıçı transfer edib

İspaniyanın “Real Madrid” klubu Ukrayna təmsilçisi “Zarya”nın qapıçısı Andrey Lunini heyətinə qatıb.

NUHÇIXAN klubun rəsmi “Twitter” səhifəsinə istinadən xəbər verir ki, madridlilər 19 yaşlı qolkiperlə 6 illik müqavilə imzalayıb. Sözləşmənin detalları açıqlanmır.

İspaniya mətbuatında yer alan xəbərlərə görə, paytaxt klubu Lunin üçün luqansklılara 14 milyon avro ödəyib.

Qeyd edək ki, Lunin 2 dəfə Ukrayna yığmasının formasını geyinib. O, daha əvvəl “Dnepr”də də çıxış edib.