Qondarma Donetsk respublikasının başçısı Aleksandr Zaxarçenko partlayış nəticəsində həlak olub
Qondarma Donetsk xalq respublikasının başçısı Aleksandr Zaxarçenko avqustun 31-də Donetsk şəhərində baş vermiş partlayış nəticəsində həlak olub.
NUHÇIXAN TASS informasiya agentliyinə istinadla xəbər verir ki, bu məlumatı qondarma respublikanın başçısının administrasiyasından təsdiqləyiblər. Bildirilir ki, Aleksandr Zaxarçenko terror aktı nəticəsində həyatını itirib. Partlayış bu gün yerli vaxtla təxminən 17:30-da şəhərin mərkəzində yerləşən “Separ” restoranında törədilib. Daha üç nəfər yaralanıb.
Mətndə səhv varsa, onu qeyd edib Ctrl+Enter düyməsini basaraq bizə göndərin.