“Qalatasaray” yoldaşlıq oyununda Almaniya komandası ilə heç-heçə edib

Futbol üzrə Türkiyə Superliqasının “Qalatasaray” futbol komandası 2018-2019-cu il mövsümünün ikinci hissəsinə hazırlıq çərçivəsində Almaniyanın “RB Leipzig” komandası ilə yoldaşlıq oyunu keçirib.

NUHÇIXAN klubun saytına istinadla xəbər verir ki, Almaniyada keçirilən oyun 1:1 hesabı ilə başa çatıb. 12 min tamaşaçının izlədiyi görüşdə hesabı 34-cü dəqiqədə “RB Leipzig”in oyunçusu Yussuf Poulsen açıb. İkinci hissənin 55-ci dəqiqəsində İstanbul komandasının futbolçusu Martin Linnes hesaba tarazlıq gətirib.

Fateh Terimin yetirmələri bu il ilk rəsmi matçını yanvarın 15-də Türkiyə kuboku uğrunda oyunda “Boluspor”a qarşı keçirəcək.

Xatırladaq ki, “Qalatasaray” klubu Braziliyanın “Atletiko Paranens” komandasından müdafiəçi Markos Nasimento Teixeiranı və müdafiəçi Emre Taşdemiri transfer edərək heyətini gücləndirib.