Nehrəmdə məktəblilər üçün film nümayiş edilib

NUHÇIXAN xəbər verir ki, Babək Rayon Gənclər və İdman İdarəsi və Yeni Azərbaycan Partiyası Babək Rayon Təşkilatı Gənclər Birliyinin birgə təşkilatçılığı ilə Nehrəm kənd 1 nömrəli tam orta məktəbində “Vətən naminə” adlı sənədli film nümayiş etdirilib. Filmin nümayiş olunmasında məqsəd məktəblilər arasında hərbi-vətənpərvərlik ruhunun yüksəldilməsinə nail olmaq, hərbi-vətənpərvərlik mövzusunda çəkilmiş milli filmlərimizi məktəblilər arasında təbliğ etmək, eyni zamanda onlarda vətənə qarşı sevgi aşılamaqdır. Etibar Məmmədovun rejissorluğu əsasında çəkilən filmdə Azərbaycan hərbçisi, Qarabağ döyüşlərinin iştirakçısı, 9 oktyabr 1994-cü ildə “Azərbaycan bayrağı” ordeni ilə təltif edilən İbad Hüseynovun I Qarabağ müharibəsində göstərdiyi qəhrəmanlıqlardan bəhs edilir.