Nehrəm  qarpızı bazara çıxarılır

Naxçıvan bazarlarında dadı ilə seçilən məşhur  Nehrəm qarpızı  bir azdan satışa çıxarılacaq. Nehrəm kəndinin bostanlarında yetişdirilən  qarpız yığımı üçün son hazırlıq işləri gedir. Yığıma bu ayın sonunda start veriləcək.

NUHÇIXAN xəbər verir ki, nehrəmli fermerlər əsasən Naxçıvan-Ordubad yolunun Babək rayonundan keçən hissəsinin sağ və solundakı münbit sahələrdə qarpız əkirlər. Artıq bostanlarda bol məhsul yetişib. Nehrəmli fermerlər bu il ümumilikdə 200 hektara yaxın sahədə  bostan bitkiləri əkiblər. Hazırda sahələrdə son becərmə tədbirləri aparılır. Torpaq mülkiyyətçiləri  hektardan ən az 300-350 sentner məhsul götürəcəklərini proqnozlaşdırırlar. Bu il ötən illərlə müqayisədə məhsul yığımının tez başlanmasının səbəbini fermerlər  toxumun erkən yazdan polietilen örtük altında əkilməsi ilə izah edirlər.

Sahibkarlar bu sahədə mütərəqqi üsullardan istifadə edir, növbəli əkin sisteminə üstünlük verirlər. Nəticədə ilin sonunadək bazarı təzə məhsulla təmin etmək imkanı yaranır.

                                                                   Nicat Quliyev