Naxçıvanda yeddi ayda 2390 ton duz satılıb

NUHÇIXAN xəbər verir ki, muxtar respublikanı və ölkəni keyfiyyətli duzla təmin edən  “Naxçıvan Duz İstehsalı” Məhdud Məsuliyyətli Cəmiyyətinin   gündəlik istehsal gücü 45 ton daş duz, 25 ton isə üyüdülmüş duzdur.  Burda 20 çeşiddə məhsul istehsal olunur. Məhsullar “Duzdağ” əmtəə nişanı ilə satışa çıxarılır.  Cari ilin  ötən 7 ayı ərzində  müəssisədə  2953  ton daşduz və  1645 ton üyüdülmüş duz istehsal edilib.

Bu ilin  yeddi ayında  müəssisə tərəfindən istehsal edilən məhsulun  2390 tondan artığı istehlakçılara  satılıb. Bunun 702 tonunu daş duz, 1688 tonunu isə üyüdülmüş duz təşkil edib.  Üyüdülmüş duzun 1156, daş duzun isə 608 tonu  Baki şəhərinə, həmçinin Azərbaycanın digər rayonlarına göndərilib.

                                                             Hafizə Əliyeva