“Naxçıvan-2018”-in ən az yaşlı iştirakçısı

Şahmat oynamağı çox xoşlayıram və gələcəkdə güclü şahmatçı olmaq üçün səylə çalışacağam.

NUHÇIXAN xəbər verir ki, bu sözləri “Naxçıvan-2018” Beynəlxalq Şahmat Festivalının ən azyaşlı iştirakçılarından olan Əli Qarayev deyib.

“Ötən il burada keçirilən şahmat festivalını izləmək üçün atamla gəlmişdim. O vaxdan şahmata marağım yarandı. Ondan sonra atamdan məni də şahmat məşğələlərində yazdırmağını xahiş etdim” – deyən balaca şahmatçı qeyd edib ki, artıq altı aya yaxındır şahmatla məşğul olur.

Qeyd edək ki, Əli Qarayev 2013-cü ildə Naxçıvan şəhərində anadan olub. O, Beynəlxalq Şahmat Festivalının “C” qrupunda mübarizə aparır. Əli Qarayev beş turdan sonra yarım xal toplamağa müvəffəq olub.