Kolleclərə qəbul olunan abituriyentlərin qeydiyyatı bu gün başa çatır

Ümumi (9 illik) orta təhsil bazasında orta ixtisas təhsili müəssisələrinə qəbul olunan abituriyentlərin qeydiyyatı avqustun 24-də başa çatır. Belə ki, kolleclərə qəbul olunanlar bu günün sonunadək lazımi sənədləri təqdim etməklə müvafiq təhsil müəssisələrində qeydiyyatdan keçməlidirlər.

Dövlət İmtahan Mərkəzindən NUHÇIXAN-a bildirilib ki, abituriyentlər lazımi sənədlərin siyahısını qəbul olunduqları təhsil müəssisəsindən öyrənə bilərlər.

Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtinası kimi qiymətləndirilərək qəbul olunanlar siyahısından xaric ediləcək.