İndoneziyada zəlzələ və sunami nəticəsində ölənlərin sayı 832 nəfərə çatıb

İndoneziyada zəlzələ və sunami nəticəsində ölənlərin sayı 832 nəfərə çatıb.

NUHÇIXAN RİA Novosti agentliyinə istinadla xəbər verir ki, məlumatı ölkənin Təbii Fəlakətlərin Qarşısının Alınması üzrə Agentliyi təsdiqləyib.

Xatırladaq ki, sentyabrın 28-də Mərkəzi Sulavesi əyalətinin Dunqala rayonunda 7,4 baş gücündə zəlzələ baş verib. Xilasedicilər hələlik həmin rayondakı yaşayış məntəqələri ilə əlaqə yarada bilmirlər. Son məlumatlara görə, əyalətin mərkəzi Palu şəhərində azı 420 nəfər həlak olub, 540 nəfər xəsarət alıb, 16 min sakin isə öz evlərini tərk etmək məcburiyyətində qalıb.