Dövlət İmtahan Mərkəzi iyunun 10-da sonuncu sınaq imtahanını keçirəcək

Dövlət İmtahan Mərkəzi I-IV ixtisas qrupları üzrə ali təhsil müəssisələrinə qəbul olunmaq istəyən abituriyentlər üçün iyunun 10-da Respublikanın 12 şəhər və rayonunda sınaq imtahanları keçirəcək.

NUHÇIXAN xəbər verir ki, imtahanlar Bakı, Sumqayıt, Abşeron, Naxçıvan, Gəncə, Mingəçevir, Şəki, Bərdə, Göyçay, Şirvan, Lənkəran, Xaçmaz şəhər və rayonlarında, ümumilikdə 26 binada təşkil olunacaq.

İmtahanda iştirak üçün yazılış internet vasitəsilə aparılıb və 5.282 abituriyent qeydiyyatdan keçib.

Sınaq imtahanı bir növbə üzrə keçiriləcək və bütün binalarda saat 11:00-da başlanacaq.

İmtahanların idarə edilməsi üçün 38 imtahan rəhbəri, 363 nəzarətçi-müəllim ayrılıb.