Çimərlik futbolu üzrə Azərbaycan millisi səkkiz komandanın iştirakı ilə keçiriləcək Avropa super finalına vəsiqə qazanıb.

NUHÇIXAN AFFA-nın saytına istinadla xəbər verir ki, bu mərhələnin oyunları sentyabrın 6-dan 9-dək İtaliyanın Sardiniya adasındakı Alqero şəhərində keçiriləcək.

Azərbaycan millisi İspaniya, Portuqaliya və İsveçrə yığmaları ilə birlikdə “A” qrupunda yarışacaq. “B” qrupunda isə Rusiya, Belarus, Ukrayna, İtaliya milliləri yer alıblar.