Bu ay yeni “Xiaomi” noutbukunun satışına başlanılacaq
Çinin “Xiaomi” şirkəti “Mi Notebook” noutbukunun yeni versiyasını təqdim edib.
NUHÇIXAN “rambler.ru” saytına istinadən xəbər verir ki, səkkizinci nəsil “Intel Core” prosessorları, “NVIDIA” qrafikası üzərində qurulan model ayrıca rəqəmli bloka malik tamölçülü klaviatura ilə təchiz edilib.
“Xiaomi Mi Notebook” noutbukunun (Core i5 + 4 giqabaytlıq RAM +128 giqabaytlıq SSD+ 1 terabaytlıq HDD) başlanğıc qiyməti 582 dollar təşkil edir. Əlavə dörd giqabaytlıq operativ yaddaşlı model 655 dollara, “Core i7” və 8 giqabaytlıq quraşdırılmış yaddaşa malik model isə 727 dollara təklif olunur.
“Xiaomi Mi Notebook” noutbukunun satışına avqustun 28-dən başlanılacaq.
Mətndə səhv varsa, onu qeyd edib Ctrl+Enter düyməsini basaraq bizə göndərin.