BƏƏ ilk kosmonavtı beynəlxalq kosmik stansiyaya gələn il yola salacaq

Birləşmiş Ərəb Əmirliyi ilk kosmonavtı beynəlxalq kosmik stansiyaya aprelin 5-də “Soyuz-12” gəmisi ilə yola salacaq və o, 2019-cu ilin aprelin 16-da Yer kürəsinə qayıdacaq.

NUHÇIXAN Məhəmməd bin Rəşid adına Kosmonavtika Mərkəzinə istinadla xəbər verir ki, kosmosa iki seçilmiş astronavtdan biri ya Qazi Əl Mənsuri (hərbi pilot), ya da Sultan Əl Niyadi (kibertəhlükəsizlik sahəsində mütəxəssis) olacaq. Onların hər ikisi çox mərhələli seçim keçərək 4022 namizəd arasından seçilib. Hazırda onların ikisi də Rusiyanın Kosmonavtların hazırlıq mərkəzi “Zvyezdniy qorodok”da kosmosa uçuşa hazırlaşır.