Azərbaycan Premyer Liqasının XI turunun ən yaxşı futbolçusu müəyyənləşib

Noyabrın 13-də Azərbaycan Premyer Liqasının XI turunun ən yaxşı futbolçusu məlum olub.

NUHÇIXAN Peşəkar Futbol Liqasının rəsmi saytına istinadla xəbər verir ki, turun ən yaxşı oyunçusu “Qarabağ” klubunun hücuma meyilli yarımmüdafiəçisi Filip Ozobiç olub. O, keçmiş komandası “Qəbələ”yə qarşı görüşdə 90 dəqiqə meydanda iştirak edib, 1 qol vurub və 1 məhsuldar ötürmə ilə yadda qalıb.

“İnStat”ın təhlilinə əsasən, Azərbaycan Premyer Liqasının XI turunun rəmzi komandasında Emil Balayev (“Səbail”), Tellur Mütəllimov (“Zirə”), Bədavi Hüseynov (“Qarabağ”), Rahil Məmmədov (“Qarabağ”), Ömər Buludov (“Neftçi”), Baqali Dabo (“Neftçi”), Filip Ozobiç (“Qarabağ”), Markos Madera (“Qarabağ”), Sertan Taşqın (“Keşlə”), Ruslan Qurbanov (“Səbail”) və Yevgeni Koçuk (“Səbail”) yer alıblar.