Avstraliyada meşə yanğınlarının söndürülməsində iştirak edən helikopter qəzaya uğrayıb

Avstraliyanın cənub-şərqində yerləşən Yeni Cənubi Uels ştatında meşə yanğınlarının söndürülməsinə cəlb olunmuş helikopter qəzaya uğrayıb.

NUHÇIXAN xəbər verir ki, “Sydney Morning Herald” qəzetinin yaydığı məlumata görə, qəza zamanı helikopterin pilotu həlak olub.

Yerli təcili tibbi yardım xidmətinin nümayəndəsinin sözlərinə görə, helikopter Ulladalla şəhəri yaxınlığında ağaca çırpılıb.

Ölkənin yanğınsöndürmə xidməti ştat ərazisində 80-dən artıq yanğının qeydə alındığını bildirib. Alovun söndürülməsi əməliyyatlarına təxminən 650 yanğınsöndürən və 40-dan çox aviasiya cəlb edilib.