Azad Cabbarov idmançı qızları sevindirdi
Ötən gün start götürən Ümummilli lider Heydər Əliyevin anadan olmasının 95-ci ildönümünə həsr olunmuş “Heydər Əliyev kuboku” uğrunda kikboksinq üzrə uşaq, yeniyetmə və gənclər arasında Naxçıvan Muxtar Respublika turniri bu gün yekunlaşıb.
NUHÇIXAN xəbər verir ki, 80-ə yaxın idmançının mübarizə apardığı turnirdə balaca qızların da iştirakı diqqət çəkib. Final görüşlərindən sonra qalibləri mükafatlandıran Naxçıvan Muxtar Respublikasının Gənclər və İdman naziri, Kikboksinq Federasiyasının sədri Azad Cabbarov qız idmançılara hədiyyələr verərək onları sevindirib, idmana daha da həvəsləndirmək üçün onlarla idman duruşunda şəkil çəkdirib.