Uqanda “Youthvision 2018” beynəlxalq mahnı müsabiqəsinin qalib olub

Bakıda “Youthvision 2018” beynəlxalq mahnı müsabiqəsi keçirilib.

Gənclər və İdman Nazirliyindən NUHÇIXAN-a verilən məlumata görə, tədbir “Elektra Events Hall”da “Həmişə gənc” şüarı altında baş tutub.

Azərbaycan Tələbə Gənclər Təşkilatları İttifaqının (ATGTİ) təşəbbüsü ilə Gənclər və İdman Nazirliyi tərəfindən keçirilən “Youthvision 2018” beynəlxalq mahnı müsabiqəsiniUqanda “Youthvision 2018” beynəlxalq mahnı müsabiqəsinin qalib olubn əsas məqsədi yaradıcı və istedadlı tələbələrin mədəni potensiallarının reallaşdırılması və onlar arasında beynəlxalq təcrübə mübadiləsinin həyata keçirilməsi üçün lazımi şəraitin yaradılmasıdır. Müsabiqədə 14-35 yaşarası gənclər iştirak edib.

Tədbirdə əvvəlcə Azərbaycan Xalq Cümhuriyyətinin yaranmasının 100 illiyinə həsr olunmuş videoçarx göstərilib.

Gənclər və idman naziri Azad Rəhimov qeyd edib ki, müsabiqədə həm Azərbaycan, həm də müxtəlif dövlətlərin gəncləri öz istedadlarını nümayiş etdirirlər: “Layihə çərçivəsində çoxlu sayda yaradıcı gənc milliyyətindən, dini mənsubiyyətindən asılı olmayaraq, gözəl dostluq ailəsi formalaşdırır. Azərbaycan Xalq Cümhuriyyətinin 100 illiyinin qeyd olunduğu ərəfədə dünya ölkələrindən gənclərin respublikamıza gəlməsi və beynəlxalq tədbirdə iştirak etmələri sevindirici haldır. Bu, eyni zamanda ölkəmizin qədim dövlətçilik tarixinin onlara təbliği baxımından da yaxşı imkanlar açır”.

ATGTİ sədri, Milli Məclisin deputatı Şahin İsmayılov Azərbaycanın mötəbər beynəlxalq tədbirlərə uğurla ev sahibliyi etməsindən danışıb, belə tədbirlərin dünya gənclərini bir araya gətirdiyini, onlar arasında əlaqələrin qurulmasında mühüm rol oynadığını deyib.

Müsabiqədə 23 müxtəlif dövlətdən – Azərbaycan, ABŞ, Latviya, Xorvatiya, Ruminiya, Pakistan, Moldova, Türkiyə, Gürcüstan, Özbəkistan, Böyük Britaniya, Almaniya, Tacikistan, Qazaxıstan, Uqanda, Ukrayna, Belarus, Macarıstan, Qırğızıstan, Litva, Serbiya, İtaliya, İran, Rusiya və İsrail dövlətlərinin ifaçı və münsiflərindən ibarət 60-a yaxın gənc iştirak edib. Xorvatiya, ABŞ, Latviya, Litva, Pakistan, Ruminiya, Türkiyə və Uqanda “Youthvision” mahnı müsabiqəsində ilk dəfədir iştirak edir.

Sonra çıxışlar olub, səsvermə yolu ilə qaliblər seçilib. Birinci yeri 154 xal ilə Uqanda, ikinci yeri 144 xal ilə Moldova, üçüncü yeri isə 100 xal ilə Belarus və Serbiya təmsilçiləri tutublar. Müsabiqə qaliblərinə mükafatlar təqdim olunub. Azərbaycan isə 56 xal ilə 9-cu yerdə qərarlaşıb. Müsabiqə çərçivəsində qaraciyər serrozundan əziyyət çəkən Beyləqan rayon sakini Tural Hacıyevin müalicəsinə vəsait toplamaq məqsədilə xeyriyyə aksiyası da keçirilib.

Xatırladaq ki, ötən il keçirilən “Youthvision 2017” beynəlxalq bahnı müsabiqəsinin qalibi Gürcüstan (109 xal) olub, 2-ci yeri Qırğızıstan (100 xal), 3-cü yeri isə Moldova (97 xal) təmsilçiləri tutublar.