Naxçıvanda 90 ailəyə köməklik edildi

NUHÇIXAN xəbər verir ki, Naxçıvanda 90 aztəminatlı ailəyə özünüməşğulluğun təmin edilməsi üçün müvafiq köməklik göstərilib.

Naxçıvan Muxtar Respublikası Ali Məclisi Sədrinin müvafiq sərəncamına əsasən reallaşdırılan bu işlərin  icrası ilə əlaqədar Şərur, Babək, Ordubad, Culfa, Şahbuz və Kəngərli rayonları üzrə, ümumilikdə, 12 aztəminatlı ailə müəyyənləşdirilib. Həmin ailələrdən 7-nə yanında balası olan iribuynuzlu mal-qara, 2-nə yanında balası olan 10 baş  xırdabuynuzlu heyvan, 2-nə fərdi xalça toxuma ilə bağlı, 1-nə isə arı yeşiklərinin düzəldilməsi ilə bağlı avadanlıqlar verilib. Bu proqramlar həm də ailə əməyinə əsaslanan fərdi təsərrüfatların yaradılmasına köməklik göstərilməsi məqsədilə həyata keçirilir.

                                                                                        Röyal  Kərimov

NTV xəbər