Asəf Quliyev “Naxçıvan” əlahiddə sərhəd diviziyasının komandiri vəzifəsindən azad edilib - SƏRƏNCAM

Prezident İlham Əliyev dekabrın 18-də Asəf  Quliyevin Azərbaycan Respublikası Dövlət Sərhəd Xidməti rəisinin müavini – “Naxçıvan” əlahiddə sərhəd diviziyasının komandiri vəzifəsindən azad edilməsi haqqında sərəncam imzalayıb.

NUHÇIXAN-ın məlumatına görə, sərəncamda deyilir:

“Azərbaycan Respublikası Konstitusiyasının  109-cu maddəsinin 12-ci bəndini rəhbər tutaraq qərara alıram:

1.General-mayor Asəf Vaqif oğlu Quliyev Azərbaycan Respublikası Dövlət Sərhəd Xidməti rəisinin müavini – “Naxçıvan” əlahiddə sərhəd diviziyasının komandiri vəzifəsindən azad edilsin.

2.Bu Sərəncam imzalandığı gündən qüvvəyə minir”.

Qeyd edək ki, Prezident İlham Əliyevin digər bir sərəncamı Niyaməddin Məhərrəm oğlu Tağıyev Azərbaycan Respublikası Dövlət Sərhəd Xidməti rəisinin müavini – “Naxçıvan” əlahiddə sərhəd diviziyasının komandiri təyin edilib.