Romada Avropanın ən böyük “tüstü udan” freskası yaradılıb

NUHÇIXAN xəbər verir ki, Roma şəhərindəki 7 mərtəbəli bir binanın fasadını əhatə edən boyalı küçə sənəti “tüstü udan” əsəri yaradılıb.

Avropanın ən böyük küçə sənəti freskası 30 ağac səviyyəsində havanı təmizləyir.

Əsərin ölkədə fəaliyyət göstərən bir qadın xeyriyyə təşkilatının ideyası olduğu bildirilir.

Təsviri sənət küçə rəssamı Federiko Massa tərəfindən “tüstü udan boya” adlandırılan “Airlite” texnologiyasından istifadə edilərək çəkilib.

Əsərin açılış mərasimi Latsio qubernatoru Nikola Dzinqarettinin və yerli Ostiense bələdiyyəsinin rəhbəri Amedeo Çiakkerinin iştirakı ilə keçirilib.

“Tüstü udan” Romanın Via-del-Porto-Flüviale küçəsində yerləşir.