Növbəti interaktiv dərs Babək rayonunun 40 illiyinə həsr olunub
NUHÇIXAN xəbər verir ki, Azərbaycan Milli Elmlər Akademiyasının Naxçıvan bölməsində növbəti interaktiv dərs Babək rayonunun təşkil olunmasının 40 illiyinə həsr olunub. Dərsi 200-dən artıq ümumtəhsil məktəbinin şagirdi izləyib.
“Babək rayonu 40: Tarixi və sosial iqtisadi inkişafı” mövzusundakı dərsi tarix üzrə fələsfə doktoru, dosent Asəf Orucov aparıb. O, rayonun qədim arxeoloji abidələrindən olan Kültəpə, Nəhəcir, Meydantəpə yaşayış məskənləri, tarix-memarlıq abidələri, təbiəti, əhalisi haqda məlumatları şagirdlərin diqqətinə çatdırıb. Həmçinin rayonun sənaye, sosial infrastruktur və nəqliyyat, kənd təsərrüfatı sahələrindəki əldə olunan nailiyyətlər barədə məlumatlar da verilib.
Röyal Kərimov