Naxçıvanda qızlar arasında üzgücülük yarışı keçirilib
NUHÇIXAN xəbər verir ki, Naxçıvan Şəhər Gənclər və İdman İdarəsi və İlham Əliyev adına Olimpiya İdman Kompleksinin birgə təşkilatçılığı ilə Kompleksin Üzgüçülük Mərkəzində məktəblilərin yay tətilinin səmərəli təşkili və onları sağlam həyat tərzinə uyğunlaşdırmaq məqsədilə qızlar arasında üzgüçülük üzrə Naxçıvan şəhər birinciliyi keçirilib. Üzgüçülüyün sərbəst üsulu üzrə 25 metr məsafədə keçirilən yarışda 4 yaş qrupunda 30 idmançı iştirak edib. Yarışın yekununa əsasən, 2000-2003-cü il təvəllüdlü idmançılar arasında Tutu Nəsirli, 2004-2005-ci il təvəllüdlü idmançılar arasında Zenfira Kərimova, 2006-cı il təvəllüdlü idmançılar arasında Melisa Bağırlı və 2007-2008-ci il təvəllüdlü idmançılar arasında isə Röya Məmmədova qalib adını qazanıblar. Sonda hər yaş qrupunda yer tutan idmançılara Naxçıvan Şəhər Gənclər və İdman İdarəsinin diplomları təqdim edilib.