“Araz”ın UEFA Çempionlar Liqasının əsas mərhələsindəki oyunlarının vaxtı müəyyənləşib

UEFA Çempionlar Liqasının əsas mərhələsində mübarizə aparacaq “Araz” futzal klubunun oyunlarının vaxtı açıqlanıb.

NUHÇIXAN xəbər verir ki, Azərbaycan çempionu mübarizəyə “Vytis”lə (Litva) qarşılaşma ilə start verəcək. Oyun oktyabrın 3-də keçiriləcək. Təmsilçimiz ertəsi gün Maltanın “Valletta” klubu ilə gücünü sınayacaq. Qrupun sonuncu oyunu oktyabrın 6-da keçiriləcək. “Araz” Slovakiyanın “Luçenec” komandası ilə qarşılaşacaq.

Qeyd edək ki, 8-ci qrupun oyunları Slovakiyada keçiriləcək.