Ərəfatda güclü yağış yağıb

Həcc ziyarəti edən 2 milyon zəvvar Ərəfat dağında leysanla üzləşib.

NUHÇIXAN Anadolu agentliyinə istinadla xəbər verir ki, zəvvarlar Ərəfatda ziyarətlərini yerinə yetirərkən gözlənilməz təbiət hadisəsi ilə qarşılaşıblar. Şiddətli yağış səbəbindən ətrafda iri gölməçələr yaranıb. Leysanın ardından əsən güclü külək zəvvarlara çətin anlar yaşadıb. Çadırlarda yerləşən zəvvarların təhlükəsizliyi üçün elektrik enerjisinin verilişi dayandırılıb.