“Metafizika” jurnalının yeni nömrəsində xarici ölkə tədqiqatçılarının elmi məqalələri yer alıb

“Metafizika” beynəlxalq fəlsəfi və fənlərarası araşdırmalar jurnalının 4-cü nömrəsi işıq üzü görüb.

AMEA-dan NUHÇIXAN-a bildirilib ki, jurnalın bu sayında bir sıra xarici ölkələrin tədqiqatçılarının elmi məqalələri dərc edilib. Yeddi ölkədən tanınmış alimlərin təmsil olunduğu jurnalın redaksiya heyətinə AMEA-nın müxbir üzvü Könül Bünyadzadə rəhbərlik edir. Altı dildə (Azərbaycan, ingilis, rus, türk, ərəb və fars) məqalə qəbul edən jurnalda tarix, fəlsəfə və sənətşünaslıq üzrə araşdırmalara yer verilir.

Jurnal “İdealOnline”, “EBSCO”, “DIIF”, “Cosmos Impact Factor”, “International Index Copernicus” və digər nüfuzlu impakt faktorlu indekslərdə qeydiyyata alınıb.