Naxçıvanda hərbi liseylərə və Hərbi Tibb Məktəbinə qəbul imtahanları keçirilib

İyulun 30-da Dövlət İmtahan Mərkəzi hərbi liseylərə və Azərbaycan Tibb Universitetinin Hərbi Tibb Məktəbinin feldşer ixtisasına qəbul imtahanı keçirib.

NUHÇIXAN xəbər verir ki, imtahan Naxçıvan şəhərində 14 nömrəli tam orta məktəbdə aparılıb. İmtahan saat 11-də başlayıb və 2 saat davam edib. Hərbi liseylərə imtahan verənlərə Azərbaycan dili, riyaziyyat, fizika və kimya fənnindən 80,  feldşer ixtisası üzrə imtahan verənlərə isə  Azərbaycan dili və kimya fənnindən 40 test tapşırığı təqdim olunub.

İmtahanın idarə olunmasına 3 imtahan rəhbəri, 30 nəzarətçi-müəllim cəlb edilib. İmtahanda iştirak etmək üçün 331 abituriyent qeydiyyatdan  keçib.

İmtahanın nəticələri bir neçə gün ərzində Dövlət İmtahan Mərkəzinin internet saytında yerləşdiriləcək.

Əbülfəz  Dünyamalıyev