Acarıstan Muxtar Respublikasının hökuməti tam tərkibdə istefa verib

Gürcüstanın Acarıstan Muxtar Respublikası hökumətinin başçısı Zurab Pataradze və hökumət tam tərkibdə istefa verib.

NUHÇIXAN xəbər verir ki, bu barədə Zurab Pataradze bu gün keçirdiyi brifinqdə bildirib. O deyib ki, Acarıstan hökumətinin istefası ilə bağlı qərar hakim komandada müzakirə olunub və sonda yekun qərar qəbul edilib.

Z.Pataradze hökumətdən istefa versə də, hakim “Gürcü arzusu-demokratik Gürcüstan” partiyasında qalacağını və bundan sonra da ölkənin inkişafı ilə bağlı fəaliyyətini davam etdirəcəyini qeyd edib.

Z. Pataradze 2016-cı ilin iyulundan muxtar respublikanın hökumət başçısı vəzifəsini tutub.